Ráðlagt að fylgja búrkíníbanninu
Setja bókamerki
Stjórnvöld í Bandaríkjunum styðja ekki búrkíníbann franskra strandbæja, en hvetja bandaríska ferðamenn engu að síður til að hlíta banninu.
Tugir franskra strandbæja hafa bannað búrkíní á baðströndum sínum og lék bandarískum blaðamanni forvitni á að vita hvort bandarísk stjórnvöld myndu uppfæra ferðaráð sín til þeirra bandarísku kvenna sem aðhyllast íslamstrú með hliðsjón af þessu.
„Við erum að sjálfsögðu þeirrar skoðunar að allir eigi að geta tjáð trúarskoðanir sínar og við teljum það einnig eiga við í þessu tilfelli,“ sagði Elizabeth Trudeau, talskona innanríkisráðuneytisins.
„Bandaríkjamönnum er ráðlagt að fylgja lögum þeirra landa sem þeir heimsækja og hvað þetta einstaka tilvik varðar mæli ég þó með að frönskum lögum sé fylgt.“
Bandarísk stjórnvöld hafa áður lýst yfir áhyggjum sínum af viðhorfi franskra stjórnvalda til trúarlegs klæðnaðar, m.a vegna blæjubanns á almannafæri.
Á algjöru frumstigi eftir þrjár vikur af verkfalli
Tekist á um áður óþekkta skýrslu landlæknis
Hraunið náð Njarðvíkuræð: Fylgjast með raflínu
Sáu eldgosið brjótast út frá Snæfellsnesi
Búseta skortir byggingarlóðir
Hvað gerðist eiginlega í VMA?
Gosið gæti varað lengur: Meiri fyrirstaða í gosrásinni
Hraun fór yfir Grindavíkurveg