Sagði Trump vera „þjóðarskömm“
Setja bókamerki
Colin Powell, fyrrverandi utanríkisráðherra Bandaríkjanna, sagði Donald Trump, forsetaframbjóðanda Repúblikanaflokksins, vera „þjóðarskömm“ og „alþjóðlegt úrhrak“ í persónulegum tölvupósti sínum sem lekið hefur verið á netið.
„Hann höfðar til verstu englanna í Repúblikanaflokknum og fátæks hvíts fólks,“ skrifaði Powell um Trump, í einum tölvupóstanna sem barst til vefsíðunnar DC Leaks.
Powell, sem var utanríkisráðherra á árunum 2001 til 2005, staðfesti við NBC að tölvupóstarnir væru ófalsaðir og að tölvuþrjótarnir hefðu yfir að ráða „mun meira“ efni.
Samkvæmt The Daily Caller er talið að þeir hafi látið DC Leaks í té um 30 þúsund af tölvupóstum Powells.
Stutt er síðan fjölmiðar greindu frá því að Powell hefði ráðlagt Hillary Clinton, forsetaframbjóðanda Demókrataflokksins, hvernig best væri að halda opinberum tölvupóstum úr augsýn almennings, er hún tók við sem utanríkisráðherra Bandaríkjanna.
Rannsókn bandarísku alríkislögreglunnar, FBI, á notkun hennar á persónulegum tölvupósti sínum í starfi sínu sem utanríkisráðherra, hefur skyggt á forsetaframboð hennar.
Náðun stuðningsmanna Trump vekur ólík viðbrögð
Ekki of seint að fá inflúensusprautuna
„Sársauki okkar er nístandi“
Íbúar komnir heim á ný
„Ég hef verið kjaftaskur mikill“
MDE: Brotið á Jóhannesi í BK-44 máli
„Þetta er ógnvænleg staða“