Kveikt var í verki sænska lista­manns­ins Lars Vilks í Kulla­berg á Skå­ne í gær og er brennu­vargs­ins leitað. Vilks hef­ur farið huldu höfði í mörg ár eft­ir að hafa vakið mikla reiði meðal íslamskra öfga­manna eft­ir að hann birti mynd af Múhameð spá­manni í hunds­líki árið 2007.

Ítrekað hef­ur verið reynt að ráða hann af dög­um og hef­ur hann því verið í fel­um und­ir stöðugu eft­ir­liti sænsku ör­ygg­is­lög­regl­unn­ar und­an­far­in ár.

Sví­ar þekkja hann ekki síður fyr­ir verk sitt, Ni­m­is, trél­ista­verkið í Kulla­berg en í gær var til­kynnt um að kveikt hafi verið í verk­inu sem er gríðarlega stórt. Um fjórðung­ur þess er ónýt­ur eft­ir elds­voðann.

Matti­as Johans­son slökkviliðsstjóri seg­ir að turn­inn í verk­inu hafi gjör­eyðilagst en annað sé í lagi. Verkið hef­ur fengið að vera í friði und­an­far­in ár en áður var ít­rekað reynt að eyðileggja það. Marg­ir ferðamenn leggja leið sína þangað á hverju ári.

Vilks hóf að reisa Ni­m­is á ní­unda ára­tug síðustu ald­ar og er verkið eina inn­setn­ing­in af þessu tagi í Svíþjóð en rekaviður er notaður við verkið.

Í lok sept­em­ber voru fjór­ir Dan­ir sýknaðir af ákæru um að hafa aðstoðað Omar El-Hus­sein sem drap kvik­mynda­gerðarmann og ör­ygg­is­vörð, sem var gyðing­ur, í tveim­ur árás­um í fe­brú­ar í fyrra. Menn­irn­ir fjór­ir höfðu verið ákærðir fyr­ir „hryðju­verka­brot“. Þeir voru sagðir hafa aðstoðað Omar El-Hus­sein í aðdrag­anda síðari árás­ar­inn­ar sem átti sér stað fyr­ir utan bæna­hús gyðinga.

El-Hus­sein hóf skot­hríð í menn­ing­arniðstöð þar sem sænski skop­mynda­teikn­ar­inn Lars Vilks var stadd­ur til að taka þátt í ráðstefnu um tján­ing­ar­frelsi. El-Hus­sein lést í skot­b­ar­daga við dönsku lög­regl­una nokkr­um klukku­stund­um síðar í Nør­re­bro.

Frétt SvD

Tengd­ar frétt­ir

Skotárás í Kaup­manna­höfn

Sluppu með minni sak­ir

• Fjór­ir Dan­ir sýknaðir vegna árás­ar
• Fékk morðvopnið í hend­urn­ar
• Lærðu mikið af hryðju­verk­un­um
• Ár frá árás­un­um í Kaup­manna­höfn

» Fleiri tengd­ar frétt­ir

• Blogga um frétt