Buzz Aldrin, annar maðurinn til að stíga fæti á tunglið, er á batavegi á sjúkrahúsi á Nýja-Sjálandi eftir að hafa verið fluttur þangað í skyndi frá Suðurskautslandinu þar sem hann veiktist.
Frétt mbl.is: Tunglfari veiktist á suðurpólnum
Aldrin, sem er 86 ára, var í ferðalagi með hópi ferðamanna þegar hann var fluttur í Suðurskautsrannsóknastöð Bandaríkjanna. Þaðan var hann fluttur á sjúkrahúsið á Nýja-Sjálandi.
„Hann er með vökva í lungunum en hefur brugðist vel við sýklalyfjum. Hann verður hér í nótt þar sem rannsóknir verða gerðar,“ sagði á vefsíðu Aldrin.
„Ástand hans er stöðugt og umboðsmaður hans, sem er staddur á sjúkrahúsinu hjá honum, segir hann vera í góðu ásigkomulagi.“
Official statement about Buzz and his evacuation from the South Pole. He's recovering well in NZ. Full statement https://t.co/OacRI4577Z pic.twitter.com/QdrEaHuQHq
— Buzz Aldrin (@TheRealBuzz) December 1, 2016