Fráfarandi forsætisráðherra Ítalíu, Matteo Renzi, hefur fallist á að gegna áfram embætti þar til öldungadeild ítalska þingsins hefur afgreitt fjárlög vegna ársins 2017 sem gert er ráð fyrir að verði á næstu dögum. Renzi sagði af sér í dag í kjölfar þess að hann beið ósigur í þjóðaratkvæði um breytingar á stjórnskipan landsins sem fram fór í gær.

Forseti Ítalíu, Sergio Mattarella, þarf eftir að afsögn Renzis tekur formlega gildi annaðhvort að skipa nýjan forsætisráðherra eða boða til nýrra kosninga. Niðurstaða þjóðaratkvæðisins, þar sem breytingum sem Renzi vildi koma í gegn var hafnað, hefur verið túlkuð sem andstaða við stjórnmálaelítuna á Ítalíu.

Flokkar í stjórnarandstöðunni hafa kallað eftir því að kosningum verði flýtt en óvíst er hvort af því verði. Breska ríkisútvarpið BBC greinir frá þessu.

Tengdar fréttir

Stjórnarskrá Ítalíu og afsögn forsætisráðherrans

Skyndikosningar taldar ólíklegar

• Grillo krefst kosninga
• Renzi mun segja af sér
• Ítalir hafna stjórnarskrárbreytingum
• Renzi heldur í vonina

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Euro krísan: Almenningur orðinn langþreyttur á stjórnvöldum sem hlusta ekki