Sýrlensk Twitter-stúlka flutt á brott
Setja bókamerki
Bana al-Abed, sjö ára sýrlensk stúlka sem hefur vakið heimsathygli fyrir Twitter-síðuna sína, hefur verið flutt á brott frá borginni Aleppo.
„Núna í morgun var @AlabedBana bjargað frá #Aleppo ásamt fjölskyldu sinni. Við tökum hjartanlega vel á móti þeim,“ sagði á Twitter-síðu mannúðarsamtakanna IHH.
Bana er með tugi þúsunda fylgjenda á Twitter. Þar tístu hún og móðir hennar frá þeim hörmungum sem fjölskylda þeirra hefur þurft að ganga í gegnum vegna borgarastyrjaldarinnar í landinu.
Litið hefur verið á Bana sem táknmynd þeirra sorglegu atburða sem hafa átt sér stað í Sýrlandi. Bashar al-Assad, forseti Sýrlands, hefur þó ekki verið á sama máli og hefur gagnrýnt tíst mæðgnanna og sagt þau vera hreinan og kláran áróður.
Á síðunni birtu þær myndir af eyðileggingunni í Alepoo, þar á meðal í götunni þar sem þær bjuggu. Fjölmargir fylgjendur þeirra hafa sent tíst til baka þeim til stuðnings.
Að minnsta kosti 15 þúsund börn eru á meðal þeirra 300 þúsund manna sem hafa dáið í stríðinu í Sýrlandi sem hefur staðið yfir í fimm ár.
Yfir 300 stæði fóru undir hraun
Hraunið við bílastæði Bláa lónsins
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Myndir: Grindavíkurvegur aftur undir hraun
Mæðgur dæmdar til að greiða 64 milljónir
Hótar Bretum og Bandaríkjamönnum