Talið er nánast fullvíst að malasíska þotan, flug MH370, sé ekki á því svæði á Indlandshafi sem leitað er nú á. Er jafnvel talið að flakið sé norðar, segir í nýrri rannsókn sem birt var í dag. Yfirvöld taka hins vegar fram að óvíst sé að leitarsvæðið verði stækkað.

Engar leifar hafa fundist við gríðarlega viðamikla leit neðansjávar fyrir utan Ástralíu undanfarin ár. Flugvélin, sem var í eigu Malaysia Airlines, hvarf af ratsjám 8. mars 2014 með 239 um borð. 

Aftur á móti er talið að yfir 20 brot sem hafa fundist, flest í vesturhluta Indlandshafs, séu brak úr þotunni sem var á leið frá Kuala Lumpur til Peking. 

Ástralskir og alþjóðlegir sérfræðingar, frá Boeing og Inmarsat meðal annars, sendu frá sér skýrslu í dag  þar sem þeir telja ólíklegt að flak vélarinnar sé að finna á því 120 þúsund ferkílómetra svæði sem leitað hefur verið á. Þeir fara nú yfir frekari gögn varðandi hvort leit verði haldið áfram eða henni hætt.

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• Blogga um frétt