Sænska lögreglan girti af hluta Arlanda flugvallarins í Stokkhólmi í gærkvöldi og fór fram á að allir þeir sem voru um borð í flugvél sem voru að koma frá Berlín framvísuðu skilríkjum. Alls voru 135 farþegar um borð í þotu Air Berlin. Expressen greinir frá.

Ekki hefur fengist staðfest að ástæðan sé ábending um að maður sem svipar til Anis Amri hafi verið um borð. Amri er ákaft leitað um alla Evrópu en hann er talinn hafa framið hryðjuverkaárásina á jólamarkaði í Berlín á mánudag.

Enginn var handtekinn og enginn sem var um borð er grunaður um saknæmt athæfi sagði lögreglan eftir að eftirliti var lokið. Þotan lenti á Arlanda klukkan 18:53 í gærkvöldi og var aðgerðum lögreglu lokið klukkan 21. Farþegar fengu engar upplýsingar um hvers vegna þetta var gert en sænska öryggislögreglan, Säpo, segir málið í höndum lögreglu.

Tengdar fréttir

Árás í Berlín

Lést í kjölfar áverka 5 árum eftir árásina

• Rýmdu jólamarkað vegna grunsamlegra manna
• Viðurkenna mistök í kjölfar árásar
• „Vítaverð mistök voru gerð“
• Þrír meintir hryðjuverkamenn handteknir

» Fleiri tengdar fréttir

• Blogga um frétt