Þýska lögreglan hefur leyst úr haldi Túnisa sem grunaður var um að vera vitorðsmaður landa síns, sem framdi hryðjuverkið í Berlín 19. desember.

Áður en gerandinn, hinn 24 ára Anis Amri, keyrði vörubíl inn á jólamarkað og myrti þannig tólf manns, sendi hann sjálfsmynd ásamt textaskilaboðum, sem sögðu: „Bróðir minn, allt er gott, samkvæmt guðs vilja. Ég er nú í bíl, biddu fyrir mér bróðir minn, biddu fyrir mér.“

Rannsakendur höfðu talið að móttakandi skilaboðanna væri umræddur Túnisi, fertugur að aldri, og handtóku hann í Berlín í gær.

Talsmaður ríkissaksóknara, sem fer með mál tengd hryðjuverkjum, viðurkenndi svo í dag að maðurinn væri ekki sá sem lögreglan leitaði að.

Frétt mbl.is: Mögulegur vitorðsmaður handtekinn

Tengdar fréttir

Árás í Berlín

Lést í kjölfar áverka 5 árum eftir árásina

• Rýmdu jólamarkað vegna grunsamlegra manna
• Viðurkenna mistök í kjölfar árásar
• „Vítaverð mistök voru gerð“
• Þrír meintir hryðjuverkamenn handteknir

» Fleiri tengdar fréttir

• Blogga um frétt