Ivan Rogers, sendiherra Breta hjá Evrópusambandinu, hefur sagt upp störfum, innan við þremur mánuðum áður en Bretar eiga að hefja brotthvarf sitt úr sambandinu.

Þetta segir heimildarmaður fréttastofunnar AFP.

Breska ríkisútvarpið, BBC, greindi frá því í síðustu viku að Rogers hafi sagt breskum ráðherrum að ríkin innan ESB telji að það gæti tekið tíu ár að samþykkja nýjan viðskiptasamning við Bretland.

Theresa May, forsætisráðherra Bretlands, vísaði þessum ummælum á bug.

Rogers hefur starfað sem sendiherra síðan í nóvember 2013 en áður var hann ráðgjafi þáverandi forsætisráðherra Bretlands, Davids Cameron, í Evrópumálum.

AFP

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt