Felicia Sanders, móðir eins fórnarlamba fjöldamorðingans Dylann Roof, sagðist í morgun vera búin að fyrirgefa Roof.

„Ég fyrirgef þér. Þetta er það auðveldasta sem ég hef gert. Þú getur hins vegar ekki hjálpað einhverjum sem vill ekki láta hjálpa sér,“ sagði hún við morðingja sonar síns, Tywanza Sanders, þegar réttað var yfir honum í dag.

Kviðdóm­ur­inn, tólf manns, var sam­mála í niður­stöðu sinni – Roof verður tek­inn af lífi en hann skaut níu svarta kirkju­gesti til bana í messu í miðborg Char­lest­on í Suður-Karólínu í júní 2015. Hann var dæmd­ur fyr­ir 33 ákæru­liði í síðasta mánuði, þar á meðal hat­urs­glæp sem leiddi til dauða fólks. 

Frétt mbl.is: Bosti lítillega við dómsuppkvaðningu

„Þú tókst barnið mitt frá mér og síðan 17. júní hef ég fengið að kynnast þér,“ sagði Sanders enn fremur fyrr í dag. „Ég hef fengið að kynnast þér vegna þess að þú ert inni í hausnum á mér alla daga.“

Hún útskýrði að hún gæti ekki lokað augunum til að biðja vegna þess að hún vilji halda þeim opnum til að sjá fólkið í kringum sig.

Við erum öll manneskjur

Faðir Tywanza, Tyrone Sanders, bað Roof um að líta á sig. „Horfðu á alla í þessu herbergi. Hvert og eitt okkar er sérstakt en við erum öll manneskjur,“ sagði Sanders og bað að því loknu Roof um að loka augunum:

„Ég vil að þú lokir augunum fyrst þú vilt ekki horfa á mig. Ég vil að þú horfir til hægri. Síðan skaltu horfa til vinstri. Þarna er manneskja. Ég skil ekki af hverju þú vildir ráðast á svart fólk í kirkjunni. Það er hins vegar ljóst að þú þarft að fá að vera með skapara þínum,“ bætti Sanders við.

Frétt abc.

Tengdar fréttir

Fjöldamorð í Charleston

Segir nauðsynlegt að skipta um forseta

• „Þú ert mesta skræfa sem ég hef séð“
• Fann til með foreldrunum
• Fjöldamorðingi dæmdur til dauða
• Sekur - dauðarefsingar krafist

» Fleiri tengdar fréttir

• Blogga um frétt