Trump tekur Bandaríkin út úr TPP
Setja bókamerki
Tengdar fréttir
Forsetakosningar í Bandaríkjunum 2016
Donald Trump, forseti Bandaríkjanna, mun síðar í dag undirrita tilskipun þess efnis að Bandaríkjamenn láti af þátttöku sinni í fyrirhuguðum fríverslunarsamningi ríkja við Kyrrahaf sem samið var um í tíð forvera hans í embætti, Baracks Obama.
Rifjað er upp í frétt AFP að Trump hafi í kosningabaráttu sinni heitið því að draga Bandaríkin út úr samningnum sem var undirritaður árið 2015 en hefur ekki verið endanlega staðfestur af þeim tólf ríkjum sem eiga aðild að honum að Japan undanskildu.
Trump hefur haldið því fram að samningurinn, sem nefnist Trans-Pacific Partnership (TPP), kosti bandarísk störf og gangi þvert á hagsmuni Bandaríkjanna. Yfirlýst markmið samningsins var að stemma stigu við vaxandi efnahagslegum áhrifum Kína.
Ríkin sem undirrituðu fríverslunarsamninginn eru auk Bandaríkjanna og Japans Ástralía, Kanada, Malasía, Mexíkó, Nýja-Sjáland og Brúnei. Óvíst er um framtíð samningsins láti Bandaríkin af þátttöku sinni en forsætisráðherra Japans, Shinzo Abe, hefur sagt að án Bandaríkjamanna sé ekkert vit í honum.
Tengdar fréttir
Forsetakosningar í Bandaríkjunum 2016
„Börn heima sem maður myndi vilja hafa í skjóli“
Barn lést í árásinni
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
Víkingar komnir yfir 800 milljónir í greiðslur
Stormur á Þorláksmessu en víðast hvar stefnir í hvít jól
„Tímabil aukinnar eldvirkni“
Samfylking og Viðreisn gáfu loforð
