Trump samþykkir tvær nýjar olíuleiðslur
Setja bókamerki
Donald Trump Bandaríkjaforseti hefur samþykkt að leggja tvær mjög umdeildar olíuleiðslur með sérstakri tilskipun í krafti embættisins.
Annars vegar er um að ræða Keystone XL-olíuleiðsluna, sem er ætlað að flytja hráolíu frá Kanada til olíuhreinsunarstöðva við Mexíkóflóa, og aðra umdeilda olíuleiðslu í Norður-Dakótaríki.
Barack Obama hafði áður hafnað því að Keystone-leiðslan yrði lögð, meðal annars vegna þrýstings frá umhverfisverndarsinnum.
Frétt mbl.is: Obama hafnaði Keystone-leiðslunni
Kanadíska ríkisstjórnin, undir forystu forsætisráðherrans Justins Trudeau, hefur aftur á móti varfærnislega stutt áætlanir um lagningu Keystone, í von um aukin viðskipti.
Herinn neitaði að gefa leyfi
Fyrirhugaðar framkvæmdir í Dakóta, um hina svokölluðu Dakota Access-leiðslu, hafa verið öllu umdeildari að undanförnu.
Afkomendur frumbyggja Bandaríkjanna og stuðningsmenn þeirra hafa mótmælt verkefninu harðlega, sem leiddi til þess að verkfræðideild Bandaríkjahers neitaði að gefa leyfi fyrir framkvæmdunum.
Þúsundir manna höfðu þá slegið upp tjaldbúðum þar sem leiðslan átti að liggja um.
Standing Rock Sioux-ættbálkurinn hefur lýst áhyggjum af mögulegri vatnsmengun, og sagt að leiðslan myndi stefna í hættu heilögum söguminjum.
En Trump hefur stutt olíuleiðsluna, sem á að verða 1.886 kílómetra löng og liggja í gegnum fjögur ríki Bandaríkjanna.
/frimg/1/53/7/1530787.jpg)
Flogið á milli ljósaskipta
Mjög alvarlegt ef Njarðvíkuræð gefur sig
Myndir: Grindavíkurvegur aftur undir hraun
Maskína: Framsókn í fallbaráttu
„Erum í miðri hrinu“: Styttist í Eldvörp
Drónamyndskeið frá hápunkti gossins í nótt
Hluti bílastæðis undir hraun: Ómögulegt að meta tjón