Kvikindi sem talið er vera sporðdreki féll ofan úr farangurshólfi og stakk mann um borð í flugvél United Airlines. Þetta hefur flugfélagið staðfest við CNBC-sjónvarpsstöðina.

Farþeginn, Richard Bell, var á leið frá Houston til Calgary á sunnudag er atvikið átti sér stað. Samkvæmt upplýsingum flugfélagsins brást áhöfn vélarinnar við með því að ráðfæra sig þegar í stað við lækni á jörðu niðri sem leiðbeindi þeim um hvernig bregðast bæri við. Flugfélagið segir að áverkar mannsins hafi ekki verið lífshættulegir. 

Heilbrigðisstarfsfólk tók á móti manninum í Calgary að sögn talsmanns United.

Atvikið átti sér stað sama dag og læknir var tekinn með valdi frá borði annarrar vélar flugfélagsins.

Tengdar fréttir

United Airlines

Menguðustu svæði Evrópu

• Hóta United Airlines með lagasetningu
• United semur við farþegann
• Vísað úr flugvél fyrir að nota salernið
• Bjóða farþegum 10.000 dollara fyrir sætið

» Fleiri tengdar fréttir

• Blogga um frétt