Engum sagt upp hjá United Airlines
Setja bókamerki
Engum starfsmanni United Airlines verður sagt upp eftir að karlmaður var dreginn með valdi frá borði flugvélar flugfélagsins á dögunum. Oscar Munoz, yfirmaður United Continental, segir að um „kerfisbilun“ hafi verið að ræða.
„Kerfisbilun átti sér stað á mörgum stöðum, þannig að það kom aldrei til greina að reka starfsmann eða einhvern annan sem tengist málinu,“ sagði Munoz.
Flugfélagið hefur verið harðlega gagnrýnt vegna meðhöndlunar sinnar á farþeganum eftir að myndband birtist á netinu af atvikinu.
Munoz baðst aftur afsökunar á því sem gerðist. „Við höfum alltaf ætlað okkur að endurgjalda viðskiptavinum okkar með hágæða þjónustu og sýna fram á virðingu okkar gagnvart þeim,“ sagði hann.
„Við munum gera þær stefnubreytingar sem þörf er á til að tryggja að þetta gerist ekki aftur.“
Nágranninn fannst látinn við nærliggjandi skóla
Tíu börn á spítala, þar af tvö á gjörgæslu
Maðurinn sem lést var íslenskur
Svona verður endaspretturinn
„Við vorum alveg á nippinu“
„Þetta er ljót mynd“
Vilja greina niðurstöður PISA-könnunarinnar
Ísrael rýfur öll tengsl við UNRWA