Hörð barátta breskra og bandarískra yfirvalda gegn hryðjuverkasamtökum veldur því að hjálparsamtök draga lappirnar þegar kemur að neyðaraðstoð til milljóna sveltandi íbúa á þurrkasvæðum í Sómalíu.

Yfirmenn mannúðarsamtaka segja í samtali við Guardian að lögin, sem er beint gegn öllum þeim sem hafa veitt hryðjuverkasamtökum stuðning, hafi letjandi áhrif á þá sem annars myndu senda aðstoð til svæða í Sómalíu sem eru undir yfirráðum íslamskra öfgasamtaka, al-Shabaab, systursamtök al-Qaida.

AFP

Vestu þurrkar í 40 ár í Sómalíu valda því að óttast er að sex milljónir manna deyi úr hungri. Verst er ástandið á svæðum sem eru undir yfirráðum al-Shabaab en íbúar þar eru um tvær milljónir talsins.

Mannúðarsamtök segja nánast ómögulegt að tryggja að engin hjálp berist til öfgamanna ef veitt er aðstoð á þessum svæðum. Það þýði að hjálparsamtök gerast brotleg við lög og eiga yfir höfði sér saksókn í heimalandinu.

Það að flytja neyðarbirgðir landleiðina í Sómalíu þýðir að greiða þarf „tolla“ við vegatálma á þjóðvegum landsins. Um ólíka hópa er að ræða sem krefjast þess að fá sína hlutdeild fyrir flutninga um „þeirra svæði“ en þeirra á meðal eru samtökin al-Shabab. Það þýðir að bresk og bandarísk hryðjuverkalög eru brotin og þetta getur kostað hjálparsamtök bæði háar fjárhæðir og tíma sem annars færi í að veita þeim sem minna mega sín nauðsynlega aðstoð. 

Frétt Guardian í heild

UNICEF

Rauði krossinn

AFP

Tengdar fréttir

Sómalía

Neyðin blasir alls staðar við

• Vannærðum börnum fjölgað um 50%
• „Þá mun fólk deyja úr hungri“
• „Dýrin deyja bara“
• Hætta á hungursneyð í fjórum löndum

» Fleiri tengdar fréttir

• Blogga um frétt