Norrænir nasistar fjölmenntu
Setja bókamerki
Nýnasistar voru áberandi í kröfugöngu í bænum Falun í Svíþjóð í gær en talið er að einn af hverjum sex göngumönnum hafi tilheyrt hreyfingu norrænna nasista (Nordiska motståndsrörelsen NMR). Ekki voru allir göngumenn sáttir við að svo fjölmennt lið nýnasista hafi tekið þátt í kröfugöngunni.
Varnarmálaráðherra Svíþjóðar, Peter Hultqvist, brást ókvæða við og segir samtökin boðbera glæpa gegn mannkyninu. Baráttudagur verkalýðsins sé mikilvægur dagur í sænsku samfélagi og um leið andspyrnu gegn nasistum, segir Hultqvist.
NMR hefur tekið þátt í kröfugöngum 1. maí í Svíþjóð áður, meðal annars í Borlänge í fyrra þegar mynd af konu sem stóð gegn þeim fór út um allan heim.
Fyrr í mánuðinum tilkynntu samtökin að hernaðararmur nýnasista myndi taka þátt í Almedalen-vikunni.
Yfirvöld í Falun undirbjuggu sig fyrir gönguna í gær þegar fréttist af mikilli þátttöku nýnasista og voru meðal annars allir lausamunir fjarlægðir við hús á leið göngunnar.
Nota ekki jólaljós til að níðast á fólki
Erfiðara fyrir flokka að segjast hlutlausir
Var rétt komin ofan í sprunguna
Neyðarástand kalli á tafarlaus viðbrögð
Telur njósnirnar vega að lýðræðinu á Íslandi
Vilja bora við Bolaöldu
Vatni hleypt aftur á Flateyri
Við urðum að byrja upp á nýtt