Yfir 480 flóttamönnum var bjargað á Miðjarðarhafinu í gær þegar þeir reyndu að komast yfir hafið frá Norður-Afríku. Sjö lík hafa fundist, samkvæmt upplýsingum frá ítölsku strandgæslunni í morgun.

Alls var 484 flóttamönnum bjargað af gúmmíbátum í fjórum aðgerðum sem ítalska strandgæslan tók þátt í ásamt ítalska hernum og áhafnir skipa hjálparsamtaka. Lík sjömenninganna fundust við björgunaraðgerðirnar. 

Frá áramótum hefur yfir 45 þúsund manns verið bjargað á land í Ítalíu sem er 44% aukning frá sama tímabili í fyrra. 1.309 flóttamenn hafa drukkað á flóttanum, samkvæmt upplýsingum frá Alþjóðastofnuninni um fólksflutninga (IOM).

Flestir þeirra sem var bjargað í gær koma frá Nígeríu en auk þess voru flóttamenn frá Bangladess, Nýju-Gíneu og Fílabeinsströndinni. Hryðjuverkasamtökin Boko Haram hafa ógnað öryggi íbúa í norðurhluta Nígeríu og er talið að 2,6 milljónir hafi þurft að flýja heimili sín vegna ofbeldis af hálfu samtakanna. Yfir 20 þúsund manns hafa verið drepin af vígasveitunum.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

Boko Haram

Fjöldi hermanna drepinn í óvæntri árás

• Óvíst hvort leiðtogi Boko Haram hafi látist
• Boko Haram drepur tólf í árás á þorp
• 65 farast í skotárás á jarðarför
• 112 stúlkna enn saknað

» Fleiri tengdar fréttir

• Blogga um frétt