Lögreglan í Manchester lét í dag lausa úr haldi þrjá þeirra sem handteknir voru í tengslum við hryðjuverkaárásina á tónleikum söngkonunnar Ariönu Grande í Manchester Arena-tónleikahöllinni í síðustu viku. 11 manns eru enn í haldi lögreglunnar í Bretlandi vegna rannsóknar málsins.

22 létust í árásinni og tugir slösuðust. 

Fréttastofa AFP segir tvo þeirra, sem voru látnir lausir, hafa verið handtekna í suðurhluta Manchester síðasta miðvikudag, skammt frá þar sem árásarmaðurinn Salman Abedi bjó. Nokkru síðar var maður á fertugsaldri, sem handtekinn hafði verið í Blackey í norðurhluta Manchester, einnig látinn laus án ákæru.

„Það er við því að búast í rannsókn sem þessari að sumir hinna handteknu séu látnir lausir eftir að við erum búin að sannreyna þær upplýsingar sem við höfum fengið,“ hefur AFP eftir Russ Jackson, yfirmanni hryðjuverkasveitar lögreglunnar.

Faðir og bróðir Abedis voru hnepptir í varðhaldi í Líbýu og segja yfirvöld þar í landi að bræðurnir hafi báðir verið liðsmenn hryðjuverkasamtakanna Ríkis íslams, sem lýst hefur yfir ábyrgð á árásinni.

Tengdar fréttir

Hryðjuverk í Manchester

Voru í pásu þegar hryðjuverkamaðurinn gekk inn

• Í lífstíðarfangelsi vegna Manchester-árásarinnar
• Samsekur í sjálfsvígsárás
• Sakfelldur fyrir 22 morð í Manchester
• Breski sjóherinn bjargaði Abedi

» Fleiri tengdar fréttir

• 1 blogg um fréttina

Bloggað um fréttina

• Valdimar Samúelsson: Er mönnum ekki orðið ljóst að það eru vinstri menn …