Móður hinnar átta ára gömlu Saffie Roussos, yngsta fórnarlambs hryðjuverkaárásinnar sem gerð var á tónleikum Ariana Grande, í Manchester Arena höllinni, þann 22. maí síðastliðinn, hefur nú verið sagt frá örlögum dóttur sinnar. Hún komst til meðvitundar fyrir örfáum dögum.

Lisa Roussos var með Saffie og eldri systur hennar, Ashlee Bromwich, á tónleikunum. Hún slasaðist alvarlega og var haldið sofandi í öndunarvél í viku. Lisa mun nú vera komin til meðvitundar og úr lífshættu. Ashlee er einnig úr lífshættu. BBC greinir frá.

Upplýsingar um líðan Lisu voru birtar í Facebook-hópnum Layland Memories. Þar kom einnig fram að hún væri meðvituð um að yngri dóttir hennar væri látin. Lisa og eldri dóttir hennar munu báðar vera farnar að tjá sig og tala saman um atburðinn.

22 létust í árásinni og yfir 100 særðust.

Tengdar fréttir

Hryðjuverk í Manchester

Voru í pásu þegar hryðjuverkamaðurinn gekk inn

• Í lífstíðarfangelsi vegna Manchester-árásarinnar
• Samsekur í sjálfsvígsárás
• Sakfelldur fyrir 22 morð í Manchester
• Breski sjóherinn bjargaði Abedi

» Fleiri tengdar fréttir

Eldhúsdagsumræður vorþing 2017

Nichole brast í grát í ræðustól

• „Gott að vinna með Ögmundi“
• Viðreisn segir: „Nei, takk, bless“
• Stefnir í söguleg kosningasvik
• Þarf fleiri en tvo til að dansa á þingi

» Fleiri tengdar fréttir

• Blogga um frétt