Ríkissaksóknari Belgíu segir að atvik sem átti sér stað á Gare-lestarstöðinni í Brussel í kvöld, þar sem karlmaður var skotinn til bana af hermönnum eftir að sprenging varð, sé rannsakað sem hryðjuverk. Maðurinn er sagður hafa verið með sprengjubelti þegar hann var skotinn.

Frétt mbl.is: Sprenging á lestarstöð í Brussel

„Litið er á þetta sem hryðjuverk,“ er haft eftir Eric Van Der Sypt, talsmanni ríkissaksóknara Belgíu. Lítil sprenging hafi orðið á lestarstöðinni um klukkan 20:30 (18:30 að íslenskum tíma). Hinn grunaði hafi verið tekinn úr umferð af hermönnum sem hafi verið staddir á svæðinu. 

Van Der Sypt sagði aðspurður að ekki lægi fyrir hver maðurinn væri og engum öðrum hefði orðið meint af vegna málsins. Hann vildi ekki tjá sig um ummæli sjónarvotts þess efnis að árásarmaðurinn hefði hrópað „Allah Akbar“ fyrir sprenginguna.

Lögreglan telur mögulega hættu á frekari sprengingum.

Uppfært 22:53: Staðfest að árásarmaðurinn hafi verið skotinn til bana.

Tengdar fréttir

Hryðjuverk í Belgíu

Fresta hryðjuverkaréttarhöldum vegna glerkassa

• Talinn hafa verið fangavörður í Sýrlandi
• Sakfelldur fyrir morðin í gyðingasafninu
• Árásin sem markaði upphafið
• Árás við lögreglustöð í Brussel

» Fleiri tengdar fréttir

• Blogga um frétt