Sameinuðu þjóðirnar segja að hungursneyð ríki ekki lengur í Suður-Súdan þar sem tekist hefur að koma meiri neyðaraðstoð til íbúanna. Engu að síður býr um 1,7 milljón manna í landinu við mikinn matarskort og hungur. 

Hungursneyð var lýst yfir í landinu í febrúar og var það í fyrsta skipti frá árinu 2011 sem slíkt neyðarástand hafði skapast í heiminum. 

Borgarastríð geisar í Suður-Súdan. Það hefur tafið alla neyðaraðstoð til íbúanna. Einnig ríkir óðaverðbólga og hafa nauðþurftir rokið upp í verði og eru á fárra færi.

Tugþúsundir hafa týnt lífi í átökunum síðustu þrjú ár og milljónir hafa lagt á flótta. 

Þó að ástandið sé ekki lengur skilgreint sem hungursneyð segja Sameinuðu þjóðirnar að sá fjöldi sem er í hættu á að svelta hafi aukist úr 5,5 milljónum í sex á einum mánuði.

Tengdar fréttir

Suður-Súdan

Þaggað niður og falið í skugga skammar

• Marel styrkir Rauða krossinn um 162 milljónir
• Nauðguðu 150 konum og stúlkum
• Milljónir líða enn sult
• Dæmdir fyrir að nauðga hjálparstarfsmönnum

» Fleiri tengdar fréttir

• Blogga um frétt