Kviðdómur í réttarhöldum yfir mönnunum sem sakaðir eru um að skipuleggja og framkvæma drápið á rússneska stjórnarandstæðingnum Boris Nemtsov hóf umræður í dag. Þeim var ekki veittur sérstakur frestur til þess að ná niðurstöðu í málinu. 

Nemtsov, sem var aðstoðarforsætisráðherra í Rússlandi um tíma en harður andstæðingur rússneskra stjórnvalda þegar hann lést, var myrtur skammt frá Rauða torginu í febrúar 2015. Mennirnir fimm sem eru sakaðir um morðið, þeir Zaur Dadayev, Shadid and Anzor Gubashev, Bemirlan Eskerkhanov og Khamzat Bakhayev neita allir sök. Þeir eru allir Tsjet­sjen­ar. 

Frétt af mbl.is

Réttað yfir meintum morðingjum Nemtsov

Dadayev er sakaður um að skjóta Nemtsov til bana er hann gekk yfir brú í Moskvu ásamt kærustu sinni að kvöldi 27. febrúar 2015.

Mennirnir eru sakaðir um að tilheyra skipulögðum glæpasamtökum og að þeim hafi verið greitt fyrir morðið.

Rannsakendur halda því fram að Tsjet­sjen­inn Ruslan Mukhudinov hafi boðið þeim 15 milljónir rúbla eða því sem nemur rúmum 28 milljónum á gengi dagsins í dag fyrir að myrða Nemtsov.

Mukhudinov er á flótta og hefur aldrei náðst.

Dómari í málinu sagði kviðdómnum að  þeir þyrftu að ná niðurstöðu í 26 atriðum varðandi ákærurnar. Ekki var settur tímarammi um hvenær þeir þurfa að ná niðurstöðu.

Nemtsov yfirgefur kjörklefa árið 2012. AFP

Tengdar fréttir

Boris Nemtsov myrtur

20 ára fangelsisdómur fyrir morð

• Sakfelldir fyrir morðið á Nemtsov
• Þúsundir minntust Nemtsov
• Réttað yfir meintum morðingjum Nemtsov
• Skýrsla Nemtsov birt í apríl

» Fleiri tengdar fréttir

• Blogga um frétt