Nýjar hitamyndir frá kjarnorkuverksmiðju í Norður-Kóreu sýna að ríkið hefur framleitt meira af plútoni við vopnaframleiðslu en áður hefur verið talið.
„Það hafa í það minnsta verið gerðar tvær ófrágreindar endurvinnsluherferðir til framleiðslu óákveðins magns plútoníums sem eykur enn frekar á kjarnorkuvopnabirgðir Norður-Kóreu,“ segja rannsóknarmenn við John Hopkins-háskólann í Bandaríkjunum.
Aukin starfsemi sást einnig í hluta byggingarinnar sem framleiðir úran en óljóst er hvort það sé vegna aukinnar framleiðslu á vopnum eða sem hluti af viðhaldi.
Norður-Kórea hefur stýrt fimm neðanjarðarkjarnorkuprófunum frá árinu 2006. Ríkið hefur greint frá því að það þurfi á kjarnorkuvopnum að halda til þess að verjast innrásum.
Spennan eykst milli Norður-Kóreu og Bandaríkjanna í kjölfar þess að ríkið gerði tilraun með langdræga eldflaug í síðustu viku.