Keníska lögreglan drepur árásarmanninn

Keníska lögreglan segist nú hafa drepið árásarmanninn sem braust inn á heimili Williams Rutos, vara­for­seta Ken­ía, í gær. Með því lauk umsátri sem stóð í nokkra klukkutíma. Ruto og fjölskylda hans voru ekki heima þegar árás­in átti sér stað.

Frétt af mbl.is

Ráðist inn á heimili varaforsetans

Samkvæmt upplýsingum frá kenísku lögreglunni braust árásamaðurinn inn á heimilið eftir að hafa sært lögregluþjón með sveðju og tekið af hon­um byssu sem hann bar á sér.

Atvikið gerist aðeins tveimur vikur fyrir for­seta­kosn­ing­ar í land­inu, þar sem mjótt er á mun­um milli núverandi forsetans Uhurus Kenyatta og stjórn­ar­and­stöðuleiðtog­ans Raila Od­inga.

Þessu greinir breska ríkisútvarpið BBC frá. 

Lögreglustjórinn Joseph Boinnet sagði kenískum fjölmiðlum að lögreglan hefði nú stjórn á ástandinu. „Það er engin ógn lengur af því hann var sá eini sem um var að ræða,“ sagði Boinnet. 

Fyrri umfjallanir gáfu til kynna að fleiri byssumenn hefðu brotist inn á heimili Rutos.

Hús varaforsetans stendur nærri bæn­um Eldor­et sem liggur 312 km norðvest­ur af höfuðborg­inni Nairobi.

• Blogga um frétt