Myndböndin „tilheyra ekki almenningi“
Setja bókamerki
Vinir Díönu prinsessu hvetja sjónvarpsstöðina Channel 4 til þess að birta ekki umdeild myndbönd þar sem hún talar um vandræði í hjónabandi sínu.
Heimildarmyndin „Diana: In Her Own Words“ á að vera frumsýnd í aðdraganda 20 ára ártíðar prinsessunnar.
BBC greinir frá því að myndböndin, sem voru tekin af talmeinafræðingi hennar, hafa aldrei áður verið sýnd í Bretlandi. Channel 4 segir að þau „veiti einstaka innsýn“ inn í líf prinsessunnar.
Náin vinkona Díönu, Rosa Monckton, sagði að birting þeirra væri brot á friðhelgi prinsessunnar. Hefur hún skrifað til sjónvarpsstöðvarinnar og beðið þau um að birta ekki myndböndin.
„Þau tilheyra ekki almenningi,“ sagði hún í viðtali við fréttamiðilinn The Guardian.
Myndböndin voru tekin af Peter Settelen sem var ráðinn af Díönu við að kenna sér að tala opinberlega. Á þeim talar hún meðal annars um hjónaband sitt við prinsinn af Wales, kynlíf þeirra og framhjáhald hans með núverandi eiginkonu sinni, Camillu Parker Bowles.
Íslensk kona handtekin á Tenerife eftir líkamsárás
Falskur fyrirvari á auglýsingum Höllu
Auka aðgengi að Grindavík
„Við vöknuðum við hljóð frá sprengingum“
Fæðuöryggi: „Áttum mat í þrjár vikur“
Heimildarmenn tala um hápólitískt drama
Unnið að hraunkælingu allan sólarhringinn
Ákærður fyrir stunguárás á menningarnótt