Finnska lögreglan handtók fimm menn í Turku í nótt í tengslum við rannsókn sína á stunguárás sem gerð var á torgi í borginni síðdegis í gær. Tveir létust í árásinni og átta liggja sárir á sjúkrahúsi. Lögreglan sagði í morgun að um hryðjuverkaárás hafi verið að ræða.

Lögreglan skaut árásarmann í fótinn á vettvangi í gær og handtók hann aðeins nokkrum mínútum eftir að hann stakk fólk á markaðstorginu. 

Lögreglan hefur ekki gefið upp nafn mannsins en segir hann vera átján ára gamlan marokkóskan ríkisborgara. Segist hún vinna með útlendingastofnun Finnlands að rannsókn málsins.

Frétt af mbl.is

Árásarmaðurinn skotinn í fótinn

„Við gerðum áhlaup og höfum nú sex grunaða í haldi,“ segir lögreglustjórinn Markus Laine í samtali við AFP-fréttastofuna.

Hann segir að nú sé verið að rannsaka hlutverk fimmmenninganna í árásinni en ekki er enn staðfest að þeir hafi komið að henni. „Við munum yfirheyra þá og eftir það höfum við frekari upplýsingar.“

Fimmmenningarnir höfðu allir átt í samskiptum við árásarmanninn sem handtekinn var á vettvangi í gær. Þeir voru handteknir í sömu íbúðinni í Turku í nótt. 

Árásarmaðurinn var skotinn í lærið og er enn á gjörgæslu. 

„Árásin hefur verið rannsökuð sem morð en í nótt fengum við upplýsingar sem benda til að um hryðjuverk hafi verið að ræða,“ segir í yfirlýsingu frá lögreglunni.

Finnskir fjölmiðlar segja að árásarmaðurinn hafi valið fórnarlömb sín af handahófi. 

Tengdar fréttir

Hryðjuverk í Finnlandi

Tveir enn í haldi vegna árásar í Túrkú

• Árásarmaðurinn viljugur til viðræðna
• Tveir til viðbótar handteknir í Finnlandi
• Árásarmaður úrskurðaður í gæsluvarðhald
• Árásarmaðurinn í Turku nafngreindur

» Fleiri tengdar fréttir

• Blogga um frétt