Leifar af svokallaðri TATP-sprengju fundust í húsleit í spænska bænum Alcanar, um 200 kílómetra suður af Barcelona. Frá þessu greindi spænska lögreglan í morgun en talið er að hryðjuverkamennirnir sem gerðu árásirnar í Barcelona og Cabrils í síðustu viku hafi notað húsið til sprengjuframleiðslu.

Mjög algengt er að hryðjuverkamenn smíði TATP-sprengjur þar sem afar auðvelt er að nálgast efnin sem þarf til verksins, einfaldlega úti í búð. Svo sem naglahreinsi sem er í eðli sínu aseton og súrefnisbundið vatn sem er mikið notað sótthreinsunarefni. 

Þýskur efnafræðingur upptvötaði sprengjuna seint á 19. öld og nota í dag hryðjuverkahópar allt frá Brussel og París yfir til átakasvæða Íraks og Sýrlands sprengjurnar. Í frétt AFP segir að hryðjuverkamenn hafi sett upp heilu rannsóknarstofurnar í Sýrlandi og Írak til framleiðslu sprengjanna, fyrst í bakherbergjum húsa en í vaxandi mæli séu þeir að færa sig yfir í þróaðri verksmiðjur.

Tengdar fréttir

Hryðjuverk í Barcelona

Óhapp varð mörgum til bjargar

• Skutu vopnaðan mann á lögreglustöð
• Sýna undirbúning Barcelona-árásarinnar
• Handtekinn vegna árása á Spáni
• Munir til minningar færðir á safn

» Fleiri tengdar fréttir

• Blogga um frétt