Donald Trump Bandaríkjaforseti mun styrkja fórnarlömb fellibyljarins Harvey, sem reið yfir Texas síðustu daga, um eina milljón dollara eða rúmar 105 milljónir króna. Þetta staðfesti Sarah Huckabee Sanders, fjölmiðlafulltrúi Hvíta hússins, á fjölmiðlafundi í dag.

„Hann vill leggja sitt af mörkum eins og við höfum séð fólk um allt land gera,“ sagði Sanders, og óskaði eftir uppástungum frá fundargestum um hjálparsamtök sem forsetinn gæti styrkt og myndu ráðstafa fénu í þágu þeirra sem fóru illa út úr hamförunum.

Eins og greint hefur verið frá hafa fjölmargar stjörnur vestanhafs lagt sitt af mörkum, þar á meðal Miley Cyrus, Kim Kardashian, Leonardo DiCaprio, Beyonce og Sandra Bullock.

Tengdar fréttir

Óveður í Texas

Kostnaður vegna Harvey 300 milljarðar

• Irma öflugri en Harvey
• Búa sig undir komu fellibyljarins Irmu
• Irma hefur náð 215 km/klst
• Íbúar snúa heim eftir efnaverksmiðjubrunann

» Fleiri tengdar fréttir

• Blogga um frétt