Þrír látnir í Flórída vegna Irmu
Setja bókamerki
Þrír hafa látist í Flórída af völdum fellibylsins Irmu sem gengur nú yfir ríkið. Lögreglan á Flórída greindi frá þessu.
Allar manneskjurnar létust í bílslysum, þar af tvær í árekstri tveggja bíla í Hardee-sýslu, austur af borginni Sarasota.
Julie Bridges, 42 ára lögreglukona, var önnur þeirra sem lést í árekstrinum.
„Hún hafði unnið í neyðarathvarfi í alla nótt og var á leið heim til að sækja meiri vistir“ þegar áreksturinn varð, sagði lögreglustjórinn Arnold Lanier.
Ökumaður hinnar bifreiðarinnar lést einnig.
Hitt banaslysið varð þegar maður lést skammt frá eyjunni Key West þegar vöruflutningabíll hans ók á tré.
Fjórar manneskjur hafa jafnramt fundist látnar af völdum Irmu á hollensku eyjunni Saint Martin í Karíbahafi.
Áður hafði verið greint frá því að tveir hafi látist á eyjunni vegna Irmu. Þar með létust að minnsta kosti 27 lífið þegar Irma fór yfir eyjarnar í Karíbahafi.
Búið var að fyrirskipa um 6,3 milljónum íbúa, um fjórðungi alls íbúafjölda Flórída, að yfirgefa heimili sín enda aðstæður lífshættulegar.
Heitt vatn fannst sem gæti annað 10 þúsund manns
Hraun fór yfir Grindavíkurveg
Beint: Eldgos hafið við Stóra-Skógfell
Búseta skortir byggingarlóðir
Einar skorar á næstu ríkisstjórn
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Úlfar: Heppileg tímasetning á gosinu