„Þetta byrjaði um miðjan dag á sunnudaginn með hviðum og rigningu og versnaði með kvöldinu. Það var óþægilegt að sjá ekki fyrir myrkrinu hvað var um að vera úti,“ segir Pét­ur Már Sig­urðsson sem býr í Or­lando í Flórída. 

Frétt af mbl.is

Myndi ekki vilja vera í Miami

Rétt fyrir kl 10 um kvöld datt rafmagnið í íbúð Péturs út og gekk illa að ná útvarpssendingum. Annað slagið heyrðust spennubreytar springa fyrir utan og voru blossarnir ólíkir að lit eftir því hvort spennubreytarnir væru niðri á jörðu eða reistir. 

Ekkert tjón varð á íbúð Péturs en hann hafði haft áhyggjur af garðhúsinu sínu. Hverfið í heild sinni slapp vel frá storminum en sum hverfi komu verr út úr honum, eins og South Pointe þar sem helmingur þakanna fór. Þá segir Pétur að Íslendingar á Flórída hafi almennt sloppið vel. 

„Mesta tjónið er út við ströndina, á flóðasvæðum og á ódýrum byggingum. Íslendingar mega eiga það að þeir hugsa vel um fasteignirnar sínar. Ég veit bara um einn sem þarf líklega að skipta um þak.“

Framundan eru hefðbundið Flórída-veður og dagleg rútína. Flest flóðasvæði eru að þorna og búið er að hreinsa aðalleiðir. Pétur segir að það sem standi eftir Irmu sé að manntjón hafi verið mun minna en búist var við. 

Sum svæði horfðu upp á flóð sem hafa ekki sést í nokkrar kynslóðir. AFP

Tengdar fréttir

Fellibylurinn Irma

Erfitt því eyðileggingin var svo mikil

• 5 Bandaríkjaforsetar deila tónleikasviði
• Maria komin til Púertó Ríkó
• Tveir látnir og tveggja saknað
• Maria aftur orðin 5. stigs fellibylur

» Fleiri tengdar fréttir

• Blogga um frétt