Allt rafmagnslaust á Púertó Ríkó
Setja bókamerki
Fellibylurinn María hefur slegið út öllu rafmagni á eyjunni Púertó Ríkó eins og hún leggur sig en þar búa alls 3,5 milljónir manna. Um er að ræða fjórða stigs fellibyl og gekk hann á land skammt frá Yabucoa á suðausturströnd Púertó Ríkó um klukkan 10.15 í morgun.
Abner Gómez, yfirmaður viðbragðsmála vegna hamfara, segir fellibylinn hafa lagt allt í rúst sem á vegi hans varð. Engir viðskiptavinir opinberu raforkuveitu landsins njóti nú rafmagns. „Upplýsingarnar eru ekki hughreystandi,“ sagði hann í yfirlýsingu og hvetur íbúa til að halda kyrru fyrir á heimilum sínum.
Áður hafði ríkisstjóri Púertó Ríkó hvatt íbúa til að leita skjóls og kallaði eftir því að Donald Trump Bandaríkjaforseti lýsti yfir neyðarástandi vegna hamfara í landinu í kjölfar mikilla flóða og sterkra vinda sem María hafði í för með sér.
Taldi hann augljóst að fellibylurinn hefði í för með sér mikla eyðileggingu en 500 athvörf hafa verið sett á laggirnar þar sem fólk getur leitað skjóls.
Þá eru þegar sjö látnir af völdum óveðurs á eyjunni Dóminíku. Frétt BBC.
Hótar Bretum og Bandaríkjamönnum
Viðræður ekkert þokast frá því á þriðjudag
Hópur fólks reyndi að komast að eldgosinu
Dómur þyngdur um þrjú ár
Yfir 300 stæði fóru undir hraun
Fullvissa ferðamenn um að hér sé öruggt
/frimg/1/53/8/1530849.jpg)
Fatlaður drengur fær ekki þjónustu í verkfalli
Hentugt gos fyrst gýs á annað borð
