Berbrjósta franskir femínistar mótmæltu harðlega kvikmyndaleikstjóranum Roman Polanski í París í dag sem hefur meðal annars verið sakaður um nauðgun. Polanski var viðstaddur kvikmyndaröð þar sem farið var yfir feril kvikmyndaleikstjóranss.
Konurnar hrópuðu að honum og sögðu meðal annars: „Nauðgari á ekki heiður skilinn“ og „ef nauðgun er listform veitið Polanski Óskarinn.“ Á líkama einnar var ritað: „Ákaflega mikilvægur kynferðisafbrotamaður“.
Mótmælin áttu sér stað við hið fornfræga franska kvikmyndsafn. Franskir femínistar biðluðu til stjórnenda að blása viðburðinn af fyrir nokkru.