Sérútbúin flugvél bandaríska sjóhersins, sem tekur þátt í leitinni að argentínska kafbátnum San Juan, hefur greint hlut í sjónum í námunda þess staðar sem báturinn var á er síðast náðist samband við hann. Nú hefur verið staðfest að hluturinn tengist ekki kafbátnum.

Nokkrar fréttastofur greindu frá því í dag að áhöfn vélarinnar hefði komið auga á hlutinn, m.a. Sky og Reuters. Þá sagði áhöfnin að of snemmt væri að segja til um uppruna hlutarins. 

Vélinni var í kjölfarið snúið aftur til lands.

Skömmu síðar sagði talsmaður bandaríska sendiráðsins í Argentínu að hluturinn væri ekki talinn tengjast kafbátnum San Juan. 

Síðast náðist samband við kafbátinn fyrir viku. 44 eru í áhöfn hans. Leitin er umfangsmikil og flókin þar sem kafbátum sem notaðir eru í hernaði er eðli málsins samkvæmt ekki ætlað að finnast með einföldum hætti. 

Fyrr í morgun var greint frá því að hátt hljóð hefði verið greint í sjónum á svæðinu skömmu eftir að síðast náðist samband við bátinn. 

Frétt Reuters.

Fréttin hefur verið uppfærð.

Tengdar fréttir

Kafbátur hverfur við Argentínu

Hafa ekki efni á að lyfta upp kafbátinum

• Brak kafbátsins fundið
• Aðmírállinn rekinn eftir hvarf kafbátsins
• Grunur um mútur við endurbætur á kafbátnum
• Mótmæla að björgunaraðgerðum hafi verið hætt

» Fleiri tengdar fréttir

• Blogga um frétt