Tillerson sagður á útleið
Setja bókamerki
Bandarísk stjórnvöld eru í viðræðum um að reka Rex Tillerson, utanríkisráðherra landsins, úr embætti og ráða í staðinn Mike Pompeu, yfirmann bandarísku leyniþjónustunnar, CIA.
Tillerson og Donald Trump Bandaríkjaforseti hafa verið á öndverðum meiði undanfarið varðandi stefnu stjórnvalda í utanríkismálum.
Tillerson er meira að segja sagður hafa lýst Trump sem „hálfvita” í einrúmi.
Á meðal mála sem þeir hafa deilt um eru viðbrögð við eldflaugatilraunum Norður-Kóreu og kjarnorkuáætlun Írans, að því er BBC greindi frá.
Tveir starfsmenn Hvíta hússins sögðu í viðtali við AP-fréttastofuna að verið væri að ræða áætlun um að ráða Pompeu í staðinn fyrir Tillerson.
Heimildamenn úr ríkisstjórninni ræddu þetta einnig við New York Times og Vanity Fair.
Breytingarnar gætu orðið í desember eða janúar.
Yfirlýsing frá Jóni: Hagnaðist ekki á knatthúsi
Líklega kvikusöfnun á miklu dýpi
„Ýkjukennt“ að segja viðræður „í rífandi gangi“
Ökumaðurinn ákærður fyrir manndráp af gáleysi
Til greina kemur að flýta flokksþingi
Telja eldinn hafa komið frá ólöglegri kamínu