Lögregla beitti táragasi og gúmmíkúlum
Setja bókamerki
Palestínumönnum lenti saman við vopnaða ísraelska lögreglumenn í Jerúsalem í dag. Palestínumenn höfðu boðað mótmæli eftir föstudagsbænir í kjölfar ákvörðunar Donald Trump Bandaríkjaforseta að viðurkenna Jerúsalem sem höfuðborg Ísrael.
Til átaka kom í gamla bænum í Jersúsalem, sem og á öðrum stöðum. Samkvæmt frétt AFP-fréttaveitunnar varði ófriðurinn í stutta stund.
Palestínumenn hentu í sumum tilfellum steinum að ísraelskum lögreglumönnum sem svöruðu fyrir sig með því að beita táragasi og skjóta gúmmíkúlum að Palestínumönnunum.
Í gamla bænum héldu um 50 lögregluþjónar aftur af um 200 Palestínumönnum á meðan þeir spörkuðu í þá og slógu.
Rauði hálfmáninn í Palestínu greindi frá því að einn hefði slasast í eldsvoða og tólf væru slasaðir eftir að hafa orðið fyrir gúmmíkúlu.
Taka ekki mark á orðum Trump
Stjórnvöld í Ísrael bættu við hundruðum lögreglumanna á vakt en herinn hefur einnig sent hundruð manna á Vesturbakkann.
„Þetta eru orðin tóm,“ sagði Omar, tvítugur piltur, um ákvörðun Trumps.
„Hvað sem gerðist þá vitum við að Jerúsalem er höfuðborg Palestínu, ekki Ísraels. Ísrael er leigjandinn.“
Forstjóri bendir á ábyrgð birgja vegna verðhækkana
Var engin kristnitaka árið 1000?
Alvarleg netárás á Wise
„Þetta er ríkisstjórn almannahagsmuna“
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
/frimg/1/53/78/1537870.jpg)
Í kaffi með Vigdísi
Skattamál verði líklega „þeirra mesta klemma“
