Erlent | AFP | 8.12.2017 | 20:17 | Uppfært 9.12.2017 7:19

Tíu særðir í loftárás á Gaza

Átök hafa brotist út víða við landamæri Gaza, sem og á Vesturbakkanum og í Jerúsalem. AFP

Tíu eru særðir eftir loftárás Ísraela á Gazaströndinni. Flugvél á vegum Ísraela var beint að herstöð Hamas á svæðinu. Árásin er svar við flugskeytaárásum Palestínumanna fyrr í dag, að sögn fulltrúa hjá ísraelska hernum.

Samkvæmt upplýsingum frá heilbrigðisráðuneytinu á Gaza eru meiðsli hinna særðu ekki talin mjög alvarleg.

Einn er látinn eftir að átök brutust víða við landamæri Gaza, sem og á Vesturbakkanum og í Jerúsalem eftir að Donald Trump Bandaríkjaforseti viðurkenndi Jerúsalem sem höfuðborg Ísraels.

Frétt mbl.is: Einn látinn eftir átök á Gaza

Öryggisráð Sameinuðu þjóðanna fundaði í dag um ákvörðun Trumps og þar kom meðal annars fram í máli fulltrúa Bandaríkjanna, Nikki Haley, að bandarísk stjórnvöld styðja sem fyrr tilraunir til þess að tryggja friðsamlega sambúð Ísraela og Palestínumanna.

Frétt mbl.is: „Breytingar eru erfiðar“

Fulltrúar Breta, Frakka, Þjóðverja, Ítala og Svía í ráðinu segja að ákvörðun Trumps geti ekki talist annað en „ósamvinnuþýð þegar litið er til horfa í friðarviðræðum á svæðinu,“ segir í sameiginlegri tilkynningu ríkjanna að fundi loknum.