Allsherjarþing SÞ boðar til neyðarfundar
Setja bókamerki
Allsherjarþing Sameinuðu þjóðanna mun koma saman á fimmtudag á neyðarfundi. Á dagskrá fundarins er atkvæðagreiðsla um drög að ályktun gegn ákvörðun Trumps Bandaríkjaforseta að viðurkenna Jerúsalem sem höfuðborg Ísraels.
Bandaríkin beittu neitunarvaldi sínu í öryggisráði SÞ á mánudag þegar greidd voru atkvæði um að synja ályktun Trumps. Tyrkland og Jemen óskuðu, fyrir hönd Samtaka íslamskra ríkja, eftir að allsherjarþingið yrði kallað saman.
Gögnum hefur verið dreift til allra 193 ríkjanna sem eiga sæti á þinginu. Í þeim kemur meðal annars fram að yfirlýsing um stöðu Jerúsalem hafi ekkert lagalegt gildi og að fella verði hana úr gildi. Ekki er minnst á Trump eða Bandaríkin í gögnunum.
Riyad Mansour, sendiherra Palestínu hjá Sameinuðu þjóðunum, á von á miklum stuðningi í þeim aðgerðum sem fram undan eru til að leysa málefni tengd Jerúsalem með viðræðum á milli Ísraela og Palestínumanna. „Allsherjarþingið mun álykta, án þess að hræðast neitunarvald, að alþjóðasamfélagið neiti að samþykkja einhliða afstöðu Bandaríkjanna,“ segir Mansour.
Ekkert ríki hefur neitunarvald á allsherjarþinginu, ólíkt því fyrirkomulagi sem ríkir í öryggisráðinu, þar sem fastaríkin fimm, Bandaríkin, Bretland, Kína, Frakkland og Rússland, búa yfir neitunarvaldi.
Þetta eru ráðherrar ríkisstjórnarinnar
Samfylking og Viðreisn gáfu loforð
„Mér finnst gamla Samfylkingin komin aftur“
Barn lést í árásinni
Var engin kristnitaka árið 1000?
Forstjóri bendir á ábyrgð birgja vegna verðhækkana
