Skattafrumvarp Trumps orðið að lögum
Setja bókamerki
Donald Trump Bandaríkjaforseti staðfesti í dag ný skattalög sem báðar deildir þingsins samþykktu í fyrradag.
Í lögunum má finna mestu breytingar sem orðið hafa á skattakerfinu í Bandaríkjunum í þrjá áratugi. Meðal helstu breytinga má nefna að skattar á stórfyrirtæki lækka úr 35% í 20% og þá mun hæsta þrep tekjuskatts lækka úr 39,6% í 37%.
Afgreiðsla skattalaganna er álitinn fyrsti mikilvægi pólitíski sigur Trumps í embætti. Ekki þótti víst hvort Trump myndi undirrita lögin fyrir jól.
Frétt mbl.is: Trump sigurreifur í Hvíta húsinu
Trump sagði í samtali við blaðamenn á skrifstofu sinni í dag að hann hefði fylgst með fréttum í morgun þar sem helsta umræðuefnið hefði verið hvort hann myndi standa við loforð sitt um að undirrita lögin fyrir jól.
„Og ég hringdi niður eftir og sagði: Gerið allt klárt, við þurfum að undirrita þetta núna,“ segir Trump.
Staðfesting laganna verður líklega síðasta embættisverk Trumps fyrir jól, sem hann mun eyða í Mar-a-Lago, setri sínu á Flórída.
Today, it was my great honor to sign the largest TAX CUTS and reform in the history of our country. Full remarks: https://t.co/kMxoxEB68G pic.twitter.com/OeAoA0sLfx
— Donald J. Trump (@realDonaldTrump) December 22, 2017
Erlendir miðlar greina frá tíunda gosinu
Sáu eldgosið brjótast út frá Snæfellsnesi
Hraunið við bílastæði Bláa lónsins
Úlfar: Heppileg tímasetning á gosinu
Hraunið náð Njarðvíkuræð: Fylgjast með raflínu
Spara stórfé með olíukaupum ytra
Beint: Eldgos hafið við Stóra-Skógfell