Alþjóða glæpadómstóllinn í Haag ætlar að hefja bráðabirgðarannsókn á meintum glæpum sem framdir hafa verið í tengslum við fíkniefnastríð stjórnvalda á Filippseyjum.

Fatouo Bensouda, æðsti saksóknari dómstólsins, segir rannsóknina einkum taka þeirra ásakana að filippseyskir lögreglumenn hafi staðið fyrir aftökum án dóms og laga á meintum fíkniefnaneytendum og -sölum.

Sú stefna forseta Filippseyja, Rodridgo Duterte, að samþykkja slík dráp sem lið í fíkniefnastríðinu hefur mætt fordæmingu alþjóðasamfélagsins.

BBC hefur eftir Bensouda að dómstóllinn muni einnig taka til skoðunar valdbeitingu yfirvalda í Venesúela í mótmælum þar í landi. Hefur stjórn Nicolasar Maduros, forseta Filippseyja, sætt ásökunum um mannréttindabrot vegna mótmæla á síðasta ári, sem hafa kostað meira en 120 manns lífið.

Kvaðst Bensouda hafa fylgst náið með málum á Filippseyjum og í Venesúela og að eftir „vandlega, sjálfstæða og hlutlausa skoðun .... þá hef ég ákveðið að hefja bráðabirgðarannsókn á báðum málum.“

Á þessu stigi sé hins vegar ekki um fulla rannsókn að ræða, heldur sé verið að kanna hvort að ástæða sé til að hefja slíka rannsókn.

Óeirðalögregla í Venesúela stoppar hér af mótmælendur sem eru ósáttir við matarskort og efnahagskreppuna í landinu. Yfirvöld hafa verið sökuð um mannréttindabrot vegna hörkunar sem þau hafa sýnt mótmælendum. AFP

Tengdar fréttir

Duterte og fíkniefnastríð á Filippseyjum

Skýrslan sýni brýna þörf á alþjóðlegri rannsókn

• Reynt að þagga niður í Ressa
• Mannréttindi fótum troðin á Filippseyjum
• Skjótið vandræðagemsana
• „Handtakið tíkina“

» Fleiri tengdar fréttir

Venesúela

Evrópuráðið heiðraði Machado

• Stjórnarandstæðingurinn flúinn til Spánar
• Maduro ekki réttur sigurvegari að sögn Blinken
• Í felum og óttast um líf sitt
• Íbúar Venesúela flýja til Kólumbíu

» Fleiri tengdar fréttir

• Blogga um frétt