„Hún er frjáls“

Kona frá El Salvador sem var dæmd í 30 ára fangelsi fyrir morð þegar hún missti fóstur var látin laus úr fangelsi í dag. Konan, Teodora Vasquez, missti fóstrið fyrir tíu árum, þá 24 ára gömul.

Vasquez var klædd í hvíta stuttermabol þegar hún kom út úr fangelsinu en þar var henni fagnað af vinum og ýmsum mannréttindasamtökum sem hafa krafist þess að lögum um fóstureyðingar í El Salvador verði breytt. Samkvæmt núgildandi lögum eru fóstureyðingar strang­lega bannaðar í El Sal­vador und­ir hvaða kring­um­stæðum sem er. Á þeim laga­grunni var Vasqu­ez dæmd. 

Foreldrar Vasquez og 14 ára gamall sonur hennar tóku líka fagnandi á móti henni. 

„Hún er frjáls. Theodora er ánægð og fegin að öðlast aftur frelsi. Hún er nú þegar búin að hitta fjölskyldu sína og er á heimleið,“ sagði Jorge Menjivar, talsmaður mannréttindasamtaka í El Salvador, við AFP.

Frétt af mbl.is

„Ég heyrði barn mitt aldrei gráta“

Vasquez var dæmd fyrir morð árið 2008 en hún missti fóstrið árið 2007, á síðasta mánuði meðgöngunnar. Hún var handtekin eftir að hún missti fóstrið og dvaldi ellefu ár á bak við lás og slá.

Vasquez faðmar foreldra sína. AFP

Hæstiréttur landsins útskýrði ákvörðun sína að láta Vasquez lausa ekki nánar. 

Mannréttindasamtökin Amnesty International krefjast þess að stjórnvöld í El Sal­vador breyti lög­um um fóst­ur­eyðing­ar til að vernda kon­ur lands­ins fyr­ir ómannúðlegri og niður­lægj­andi meðferð sem þær nú þurfa að þola vegna lag­anna. 

El Sal­vador er í hópi fimm ríkja heims þar sem fóst­ur­eyðing­ar eru bannaðar með öllu. Lög­in voru sett árið 1998 og sam­kvæmt þeim má ákæra kon­ur fy­irr morð séu þær grunaðar um brot á lög­un­um. 

• Blogga um frétt