Donald Trump Bandaríkjaforseti segir að hann hefði hlaupið inn í framhaldsskólann í Flórída þar sem 17 manns voru skotnir til bana, jafnvel þó að hann hefði verið óvopnaður.

„Ég trúi því staðfastlega að ég hefði hlaupið inn í skólann jafnvel þó að ég væri óvopnaður,“ sagði forsetinn á samkomu ríkisstjóra í Hvíta húsinu í dag.

„Ég held að flestir hér inni hefðu gert það sama,“ bætti Trump við.

Trump sagði einnig að það væri „ógeðfellt“ að vopnaður lög­reglumaður sem hafði það hlut­verk að hafa eft­ir­lit með nemendum skólans aðhafðist ekk­ert þegar árás­in átti sér þar stað.

Skotárásin átti sér stað 14. febrúar og situr árásarmaðurinn, 19 ára fyrrverandi nemandi við skólann, í gæsluvarðhaldi.

Trump hefur sagst styðja til­raun­ir til að bæta eft­ir­lit og bak­grunns­skoðanir á fólki sem kaup­ir byss­ur.

Donald Trump, forseti Bandaríkjanna, er handviss um að hann hefði hlaupið inn í framhaldsskólann í Flórída þar sem 17 manns létu lífið í skotárás, jafnvel þótt hann væri óvopnaður. AFP

Tengdar fréttir

Donald Trump verðandi Bandaríkjaforseti

Fyrrum yfirmaður glímusambands verður ráðherra

• Trump mun skipa sjónvarpslækninn Dr. Oz
• Hegseth borgaði konu sem sakaði hann um ofbeldi
• Vélhundur vaktar golfsetur Trumps
• Trump útnefnir olíujöfur í orkumálaráðuneytið

» Fleiri tengdar fréttir

Skotárás í skóla í Flórída

Nikolas Cruz játar sök í skotárás

• „Aðgerðaleysi hans kostaði mannslíf“
• Vopn í hendur kennara
• „Sagði ég að ég elska ykkur?“
• Gerðu röð mistaka í Parkland

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Líklegra að þvottakonan hefði fengið vinnu.