Sjálfkeyrandi bíll drepur vegfaranda

Leigubílaþjónustan Uber hefur stöðvað sjálfkeyrslu-verkefni sitt eftir að einn af bílum hennar ók á gangandi vegfaranda í bandaríska ríkinu Arizona með þeim afleiðingum að hann lést.

Bíll Uber var í sjálfskeyrslu en með ökumann við stýrið þegar hann ók á konu sem var að ganga yfir götu í borginni Tempe seint á sunnudag.

Hún lést af sárum sínum á sjúkrahúsi.

„Við samhryggjumst fjölskyldu fórnarlambsins,“ sagði talsmaður Uber.

Ákveðið hefur verið hætta tilraunum með notkun sjálfkeyrandi bíla fyrirtækisins í borgunum Tempe, Pittsburgh, Toronto og San Francisco.

Þetta er í fyrsta sinn sem sjálfkeyrandi bíll keyrir á gangandi vegfaranda með þeim afleiðingum að hann lætur lífið.

• 2 blogg um fréttina

Bloggað um fréttina

• Kristin stjórnmálasamtök: Sjálfkeyrandi bíll getur drepið fólk
• Ómar Ragnarsson: Þessu var spáð í 60 mínútum.