Erlent | AFP | 29.3.2018 | 12:17 | Uppfært 14:44

Trump beinir spjótum að Amazon

Donald Trump Bandaríkjaforseti telur bandaríska verslunarrisann Amazon ekki greiða nægilega háa skatta. AFP

Donald Trump Bandaríkjaforseti telur bandarísk netfyrirtæki ekki greiða nægilega háa skatta, og það komi niður á öðrum smásölum, en í tísti sem hann sendi frá sér í gær beindi Trump spjótum sínum að verslunarrisanum Amazon.

„Ég lýsti yfir áhyggjum mínum af Amazon löngu fyrir forsetakosningarnar,“ tísti Trump í gær. „Ólíkt öðrum, greiða þeir lága eða enga skatta til ríkja, nýta póstþjónustu okkar sem einkasendla (með gríðarlegu tapi fyrir Bandaríkin) og reka rekstur margra smásala fram af bjargbrúninni.“

I have stated my concerns with Amazon long before the Election. Unlike others, they pay little or no taxes to state & local governments, use our Postal System as their Delivery Boy (causing tremendous loss to the U.S.), and are putting many thousands of retailers out of business!
— Donald J. Trump (@realDonaldTrump) March 29, 2018