Segja Ísraelsher bera ábyrgð
Setja bókamerki
Yfirvöld í Sýrlandi segja Ísraela ábyrga fyrir loftárás á herstöð sína í morgun. Ekkert hefur heyrst frá yfirvöldum í Ísrael vegna málsins.
Loftárásin kemur í kjölfar efnavopnaárásar á bæinn Douma í austurhluta Ghouta-héraðs sem sýrlensk stjórnvöld hafa verið sökuð um að bara ábyrgð á.
„Árás Ísraela á T-4 flugvöllinn var gerð úr lofti frá líbönsku yfirráðasvæði með F-15 flugvél sem skaut nokkrum flugskeytum,“ hefur fréttastofa AFP eftir ríkisrekna sýrlenska fjölmiðlinum Sana.
Rússar, bandamenn Bashar al-Assad Sýrlandsforseta, taka undir ásakanir Sýrlandsstjórnar.
Eftir efnavopnaárásina í Khan Sheikhoun í apríl á síðasta ári gerði Bandaríkjaher loftárás á herstöð Sýrlandshers í Shayrat.
Bandaríkjamenn og Frakkar hafa neitað aðild að árásinni. Ísraelar hafa hvorki játað né neitað aðild að því er kemur fram í frétt BBC um málið.
Fjórtán létust í árásinni, m.a. íranskir hermenn sem styðja ríkisstjórn Bashars al-Assad. Herstöðin er í Homs-héraði í miðhluta Sýrlands og er kölluð T-4 eða Tiyas-flugvöllur.
„Höfum sloppið bærilega með skaða af þessu gosi“
Hópur fólks reyndi að komast að eldgosinu
Vika í kosningar: Þetta segja kannanir
Nýtt fangelsi í landi Stóra-Hrauns tilbúið 2028
Reiðubúin að aflýsa verkföllum í fjórum leikskólum
Pútín reynir allt til að forðast aðra herkvaðningu
/frimg/1/53/8/1530844.jpg)
Myndir: Náttúrulegur þröskuldur að taka við
