Stjórnvöld í Bandaríkjunum hafa átt í milliliðalausum viðræðum við stjórnvöld í Norður-Kóreu um leiðtogafund ríkjanna. Donald Trump, forseti Bandaríkjanna, segir að fundurinn muni líklega eiga sér stað í júní og ef til vill fyrr. Fimm fundarstaðir koma til greina að sögn forsetans.

Trump ávarpaði blaðamenn í tilefni af opinberri heimsókn Shinzo Abe, forsætisráðherra Japans, til Bandaríkjanna. Abe sagði forsetann sýna mikið hugrekki í að samþykkja að eiga fund með leiðtoga Norður-Kóreu.

Yfirvöld í Japan hafa lýst yfir áhyggjum þess efnis að aukin samskipti Norður-Kóreu og Bandaríkjanna geti grafið undan stöðu Japans sem lykilbandamanni Bandaríkjanna og nágranna Norður-Kóreu.

Kjarnorkuvopnaáætlun Norður-Kóreu verður meðal annars tekin til umræðu á fundi leiðtoganna en emb­ætt­is­menn í Norður-Kóreu hafa tjáð banda­rísk­um koll­eg­um sín­um að Kim Jong-un sé til­bú­inn að ræða það að hann láti af kjarn­orku­vopna­áætl­un sinni.

Tengdar fréttir

Norður-Kórea

Eldflaugavarnarkerfi í skiptum fyrir hermenn

• Rússar sagðir útvega N-Kóreu milljón olíutunnur
• Gagnrýnir Vesturlönd harðlega vegna Úkraínu
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump

» Fleiri tengdar fréttir

Donald Trump verðandi Bandaríkjaforseti

Útnefnir vogunarsjóðsstjóra í fjármálaráðuneytið

• Trump mun ekki sæta refsingu
• Pam Bondi næsti dómsmálaráðherra
• Hættir við að reyna að verða ráðherra Trumps
• Merkel segir Trump heillaðan af einræðisherrum

» Fleiri tengdar fréttir

• Blogga um frétt