Donald Trump, forseti Bandaríkjanna, lét sem hann væri að dusta flösu af öxlum Emmanuel Macron, forseta Frakklands, fyrr í dag en sá síðarnefndi er í opinberri heimsókn í Washington. Trump sagði þetta merki um að forsetarnir tveir ættu „alveg einstakt samband“.

Greip Trump til þessa óvænta útspils þegar forsetarnir voru að stilla sér upp fyrir myndatöku á forsetaskrifstofunni í Hvíta húsinu.

„Við eigum alveg einstakt samband. Ég skal fjarlægja þessa flösu af þér. Við verðum að gera hann fullkominn, hann er fullkominn,“ sagði Trump og uppskar hlátur Frakklandsforseta fyrir vikið.

Forsetarnir stilltu sér upp fyrir myndatöku í dag. AFP

Tengdar fréttir

Donald Trump verðandi Bandaríkjaforseti

Trump mun ekki sæta refsingu

• Pam Bondi næsti dómsmálaráðherra
• Hættir við að reyna að verða ráðherra Trumps
• Merkel segir Trump heillaðan af einræðisherrum
• Fyrrum yfirmaður glímusambands verður ráðherra

» Fleiri tengdar fréttir

• Blogga um frétt