Mistókst að fá Trump til að skipta um skoðun
Setja bókamerki
Emmanuel Macron Frakklandsforseti viðurkennir að sér hafi líklega mistekist að sannfæra Donald Trump Bandaríkjaforseta um að rifta ekki kjarnorkusamninginum við Íran. Marcron hjónin eru nú í opinberri heimsókn í Bandaríkjunum og fordæmdi forsetinn m.a. þjóðernis- og einangrunarstefnu er hann flutti ræðu sína í bandaríska þinginu í gær.
„Mín skoðun er sú .... að hann muni rifta samninginum vegna innanríkismála,“ sagði Macron fjölmiðla í lok opinberrar heimsóknar sinnar. Trump, hefur tíma til 12 maí nk. til að ákveða hvort hann rifti samninginum, sem er ætlað að hindra Írani í að eignast kjarnorkuvopn. Hefur Trump verið harður gagnrýnandi samningsins og kallað hann „bilaðan“.
Macron notaði sambærilegt orðfæri til að lýsa afstöðu Bandaríkjanna í alþjóðamálum og loftslagsmálum, sem og varðandi samninginn við Íran. „Þetta getur gengið til skamms tíma, en til lengri tíma er þetta bilað,“ sagði Macron.
Samningurinn, sem gerður var í tíð Baracks Obama forvera Trumps á forsetastóli, kveður á um að Íranar samþykkja að leggja kjarnorkuáætlun sína til hliðar gegn því að efnahagsþvingunum gegn þjóðinni verði aflétt.
Macron sagði fyrir Bandaríkjaferðina að eitt helsta málið á dagskrá í heimsókninni væri að fá Trump til að skipta um skoðun varðandi samninginn. Hann viðurkenndi þó að það væri mikil hætta á að forsetinn myndi rifta honum
Macron kvaðst þó vera sammála Trump um að samningurinn ætti einnig að taka til ítaka Írana í Miðausturlöndum og kjarnorkustarfsemi landsins til langframa, ekki bara kjarnavopnaáætlunar.
Hann muni þó vinna með forsetanum að því að byggja nýtt umhverfi í Miðausturlöndum og ekki hvað síst í Sýrlandi.
Yfir 300 stæði fóru undir hraun
Viðræður ekkert þokast frá því á þriðjudag
Hentugt gos fyrst gýs á annað borð
Nýtt fangelsi í landi Stóra-Hrauns tilbúið 2028
Fullvissa ferðamenn um að hér sé öruggt
Reiðubúin að aflýsa verkföllum í fjórum leikskólum
Litlar líkur á að hraunið nái til mannvirkja
Hraun kemur úr þremur gígum: Virknin stöðug