Vara við steinaregni á Hawaii

Stöðug ólga í Ki­lau­ea-eld­fjall­inu á Hawaii getur leitt til þess að miklar gufusprengingar verði í fjallinu og að steinhnullungum, sem vega um tíu tonn, geti rignt yfir stærstu eyju eyjaklasans. Þetta er haft eftir jarðfræðingum við Jarðvísindastofnun Hawaii sem rætt er við í The Washington Post.    

Eldgosið sem hófst í síðustu viku hef­ur eyðilagt 36 hús og hundruðum til viðbót­ar staf­ar ógn af því. Um 2.000 manns hefur verið gert að yf­ir­gefa heim­ili sín.

Frétt af mbl.is

Fengu að sækja gæludýrin

Fjórtán gossprungur hafa opnast í hlíðum eldfjallsins. Hraun frá eldgosinu hefur borist um 60 kílómetra frá toppi eldfjallsins og telja vísindamenn að sig geti myndast og óttast afleiðingarnar þegar hraunstreymið kemst í tæri við grunnvatn líkt og mögulegt er á næstu vikum.

Einnig er talin hætta á að öskuský geti dreift úr sér yfir allt að 30 kílómetra svæði.

Vísindamenn við Jarðvísindastofnun Hawaii telja að öskuský geti dreift úr sér yfir allt að 30 kílómetra svæði. AFP

• Blogga um frétt