Gosmökkur eldfjallsins Kilauea á Hawaii nær í um níu kílómetra hæð eftir að sprenging varð í gíg þess. Íbúar í grennd við fjallið eru beðnir að leita skjóls og gæta ýtrustu varúðar.

Eldfjallaeftirlitið á Hawaii segir að sprengingin sem varð í gíg fjallsins sé sú mesta frá því að það fór að gjósa þann 3. maí. Í kjölfarið hafi gríðarmikill gosmökkur stigið til himins. Jarðvísindastofnun Bandaríkjanna segir í yfirlýsingu að um sé að ræða nokkuð óvenjulega virkni í Kilauea. Sprengingin varð um fjögur í nótt að staðartíma og varði í nokkrar mínútur. 

Líkur eru taldar á að fleiri sprengingar eigi eftir að verða í gíg eldfjallsins. Skýringin er sú að kvikan féll undir grunnvatnsborðið og komst þannig í tæri við vatn með þessum afleiðingum.

Tengdar fréttir

Eldgos á Hawaii

Gos gæti varað árum saman

• Hraun þeyttist á bátinn
• „Nei, ekki grilla sykurpúða á eldfjallinu“
• Blár bjarmi frá eldfjallinu
• Óttast um virkjun á Hawaii

» Fleiri tengdar fréttir

• Blogga um frétt